Kuummiuni attaveqaatitigut ajutoorluinnarneq

Sapaatit akuneri arfineq marluk matuma siorna innaallagiatigut qamittoorneq Kuummiuni pivoq.
Taassuma kingunerivaa Kommunep ataani attaveqaatit tamavimmik qamimmata.
Saaffiginninnerpassuit pisimapput Kommunep allaffianiit atuarfimmiillu. Annerusumik
ikiuunniarsarineq pisimanngilaq. Paasisammi aallaavigalugit ajornartorsiut Tusassminngaanneerpoq. Taakkulu saaffigigaluaraanni tikittoqassananilu ikiuunniarsarineq
timitaqartarsimanngilaq.

Pissutsit ilungersunarluinnarput. Suliffeqarfittut kiffartuussisussaasutut sulinissaq innuttaasuniit
naatsorsuutaavoq. Attaveqaatilli iluarsineqanngippata aaqqiisoqarsinnaanngilaq. Unittoorneq
annertooq pivoq. Aqqutit tamaasa atorlugit saaffiginninnerpassuit piagluarput ajoraluartumik
kiffartuussisussaagaluit ilagt naqisimanninnermik pissaanermik atorlutik nipangersaapput.
Tamanna assut quarsaarnarpoq.

Naggataagut Tusass-mut saaffiginninnerigaluit kinguneqaqqinngimmata Kommunetsinni
akisussaanerpaaq allakkatigut saffigineqaraluarpoq, aammali akissuteqartoqaqqigani. Pissutsit
taamak ilungersunartiginerat Kommuneqarfik Sermersuumi Siumup assut isorivaa.
Aaqqiisoqarnissaalu piaartumik kissaatigalugu.

Laura Taunâjik Uitsatikitseq

Siumut