Allattoq: Siumut Folketingip allattoqarfia
Christiansborg qimallugu suliassanik assigiinngitsunik Folketingimi ilaasortaq Aki-Matilda Høegh-Dam suliaqarpoq.
Kalaallit Nunaat pillugu ataatsimiititaliami ukiuni marlunni tulliuttuni siulittaasuusussaavoq.
Suleriaaseq pillugu Ataatsimiititaliap siulittaasoqarfiata seminarertitsineranut Aki-Matilda Høegh-Dam peqataavoq, tassani ataatsimiititaliami siulittaasuunermi qanoq pitsaanerpaamik sulisoqarsinnaanersoq saqqummiussisoqarpoq. Ataatsimiititaliami siulittaasuunermi qanoq pitsaanerpaamik sulisoqarsinnaanersoq eqqartorneqarpoq. Aamma ataatsimiititaliani siulittaasuusarsimasut qanoq suleriaaseqarsimanerlutik saqqummiipput.
Danmarkimi ombudsmandeqarfiup meeqqanut allaffeqarfiata ukiuni tallimani nalliuttorsiorneranut atatillugu saqqummiisoqarnerani Siumut Folketingip allattoqarfianit peqataaffigineqarpoq. Meeqqat angerlarsimaffiup avataanut inissinneqarsimasut pisinnaatitaaffii pillugit saqqummiisoqarpoq.
Illersornissamut ministerip Jakob Ellemann-Jensenip Aki-Matilda Høegh-Dam aamma illersornissamut ataatsimiititaliami oqaaseqartartut angalaqatiginissaannut qaaqquai.
Danmarkip Baltikumimi illersornissakkut inissisimanera pillugu paasititsiniaaneruvoq. Angalaneq sisamanngornermi pivoq, tassani Estland aamma Letland tikinneqarput.
Letlandimi danskit sakkutooqarnikkut inissisimaffiat kiisalu Danmarkip Estlandimi NATO-mik suliaqarnera takutinneqarpoq.
Folketingimut ilaasortaq tallimanngormat marlunnik ataatsimeeqateqarpoq.
Siullermik Aimar Etxeberria Korta ataatsimeeqatigaa. Taanna nunat naalagaaffinngornissamik siunnertaqartunik ataatsimooqatigiiffimmeersuuvoq. Ataatsimiinnermi Siumut suleqatisigineqarpoq. Ataatsimooqatigiiffik partiinit assigiinngitsunit nunanit qulineersunit ilaasortaaffigineqarpoq.
Kiisalu aamma ICC-mi siulittaasoq Sara Olsvig ataatsimeeqatigineqarpoq.
Ataatsimiinnermi ICC-ip ulluinnarni suliai kiisalu anguniagai pillugit oqallisigineqarput.
Aki-Matilda Høegh-Dam sapaatip akunnerata tulliani politikerinik kiisalu ataatsimiititaliani ilaasortaaffimminik ataatsimeeqateqaqattaassaaq.