Jess Svane, Inatsisartunut ilaasortaq
Inatsisartut suleriaasianni § 37 imm. 1 naapertorlugu Naalakkersuisunut apeqqutit imaattut matumuuna saqqummiuppakka:
Naalakkersuisunut apeqqutit:
- Aalisarnermut tunngatillugu isumasioqatigiitsitsinernut aalisartut peqatigiiffianniit inummik ataasiinnarmik peqataatitsisoqarnissaa Naalakkersuisut aalajangiisimanerannut suna pissutaava?
- Pineqartut ataasiinnarmik peqataatitaqarnissaannik piumasaqarsimanerup saniatigut kikkut peqataassappat?
Tunngavilersuut:
Januar 13-ani 2022 Nuummi aammalu Ilulissani 19 Januar 2022 aalisarnermut inatsisissaq pillugu aalisartunik isumasioqatigiissitsissalluni naalakkersuisoq oqariartorpoq.
Ammasumik tamanillu peqataatitsiffiusumik naalakkersuisut ingerlatsiniarnerarlutik oqariartuuteqartarnerannut aaqqissuussiniarneq inuit pineqartorpiaat mattutipajaarlugit ingerlatsisoqarniarnera naapertuilluartumik ingerlatsiniarnertut minnerpaamilluunniit oqaatigineqarsinnaanngilaq.
Suliffiusut ullut qulit iluanni akissutisinissara kissaatigaara.