Aalisarnermik piniarnermillu inuussutissarsiuteqartut tamaasa Siumumit ullorsiorluaqqullugit pilluaqquavut.
Nunatsinni inuutissarsiutit pingaarnersaannik aalisarnermik piniarnermillu inuutissarsiuteqartut
ullumikkut ullorsiorneranni Siumumit persuarsioqatigalugit ullorsioqatigissavavut.
Sineriassuatsinni Kangiani, Avanersuarmi, Kitaani Kujataanilu atukkat assigiinngisitaartut ilisimavarput sulilu ilisimasaqarfiginerorusullugit sulinitsinni Siumumi pingaartilluinnarpavut.
Ukiuni kingullerni aalisarnikkut periarfissat pitsanngoriartuaarnerat suli annertusarumavarput, ilaanilu ineriartortitsiniarneq annertuumik aallukkumallugu aallartilluarnissaat angujumallugu.
Piniartut atugaat imaannaanngitsut periarfissaasa pitsaanerulernissaannut sulinerput annertusarparput nunarsuarmioqatitta tatisinerat uniffigiinnarnagu. Nittarsaassinerup annertusarneratigut tunitsiviusinnaasut ujartorpavut, piniakkatigullu pisassiisarnermi ilisimasat piniartuneersut tigussaanerusumik atorneqarnissaat angujumallugu Naalakkersuisunut piumasaqartarnerput ilungersuupparput, atukkat piniartukkormiuni periarfissarissaarnerulernissaat angujumallugu.
Qujassutissaqaqaagut aalisartut piniartullu maligassiuilluarsimasorpassuit suleqatigisimagatsigit, ullumikkullu piniartut aalisartullu maligassiuilluartut angusaqarusullutik suleqataanerat ersarissoq uagutsinnut annertuumik nukissamik sulinitsinni tunisisartoq tunisiuartorlu qujassutissaqarfigeqaavut.
Siumut sinnerlugu
Erik Jensen
Siulittaasoq
Jess Svane
Siumup Inatsisartuni gruppiata siulittaasua