Inatsisartunut ilaasortaq Mala Høy Kúko, Siumut
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut:
1. Nunatsinni kræftertut kemomik nakorsamiit ikiorneqarsinnaajunnaarnikuusut qassit nunatsinniittut qassiuppat?
2. Naalakkersuisut ilisimasaqarpat Kalaallit nunatsinni nakorsamiit nalunaarfigineqarnikuusut kemomi ikiorserneqarsinnaajunnaarnikuusut qallunaat nunaannut nuukkaangamik kemortinnissaminnik periarfissinneqaqqissinnaasut.
Tunngavilersuut:
Innuttaasuni kræftimik napparsimasunik ikiorneqarsinnaajunnaartutut nakorsamiit nalunaarfigitissimasunik ataasialinngillat paasissutissiisut tusarliunneqartalerpoq. Taakkulu napparsimanertik pissutigalugu ikiorneqarsinnaassagunik allatut ajornaavissumik Danmarkimut nuuttariaqalersimallutik oqaluttuartalerput. Taamaammat paaserusunnarsivoq kræftimik innuttaasut sunik neqeroorfigineqarsinnaanersut maani Kalaallit nunatsinni.
Kissaatigaara apeqquteqaatikka ullut suliffiusut qulit qaangiutinnagit akineqassasut.