Inatsisartunut ilaasortaq Erik Jensen, Siumut
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut:
- Aatsitassanik annikitsumik piaanerit (smÄskala) aallalavigalugit Nunatta karsianut qanoq annertutigisumik ukioq 2018-imi, 2019-imi aammalu 2020-imi isertitsissutigineqarpat?
- Aatsitassanik annikitsumik piaanerit (smÄskala) aallalavigalugit Nunatta karsianut qanoq annertutigisumik ukioq 2018-imi, 2019-imi aammalu 2020-imi nunap immikkoortuini isertitsissutigineqarpat?
- Isertitaqartoqarsimappat taakkua qanoq agguataarlugit isikkoqarpat? Ukiumiit ukiumut takussutissartaat perusunnarpoq.
- Kuannersuarni annikitsumik aatsitassanik (smÄskala) piaanissamik kina/kikkut akuersissutiliuppat?
- Naalakkersuisut, ukiut kingulliit sisamat eqqarsaatigalugit, aatsitassanik anngiortumik eqqunngitsumilluunniit suliaqartoqarsimaneranik, tuniniaasimanernilluunniit ilisimasaqarpat?
- Taakkunani annikitsumik akuersissutaatilinniit peqarpa?
- Peqarsimappat suna peqqutaava?
- Naalakkersuisut allanik paasissutissaasinnaasunik peqarpat?
Tunngavilersuut:
Nunatsinni aningaasatigut isaatitsissutitta ilagivaat aatsitassanik annikitsumik piiaalluni aatsitassarsiornerit. Taakkulu ukiuni kingullerni nunatta karsianut qanoq aningaasatigut isertitsissutaasartiginersut paaserusunnarput, Naalakkersuisooqatigiilersummi aammalumi Kommune Kujallermi siuttunngortut taakkua isumalluutissatut taakkartortarmatikkit.
Kiisalu aamma paaserusunnarluni Kuannersuarni annikitsumik piiaasinnaanermut akuersissutaatilinniit eqqunngitsumik (skattesag-imik) peqartoqarsimanersoq, peqarpallu qassiunersut, taakkulu ajornartorsiutaanersut paaserusunnarluni. Ajornartorsiutaappallu qanoq tamanna aaqqiiviginiarneqarnersoq paaserusunnarluni.
Kissaatigaara apeqquteqaatikka ullut suliffiusut qulit qaangiutinnagit akineqassasut.