Innuttaasut akiitsoqarnerat pillugu apeqquteqaat

Erik Jensen, Inatsisartunut ilaasortaq

Inatsisartut suleriaasianni  §  37 imm. 1 naapertorlugu Naalakkersuisunut apeqqut imaattoq matumuuna saqqummiuppara:

Naalakkersuisunut apeqqut:

  1. Inatisartut inatsisiliarisimasaat pissutigalugu meeqqanut akilersuutinut kommuunit karsiminni kr. 418 mio. amigaateqarlersimanerat Naalakkersuisut pissusissamisoortutut ilumut isivaat?
  2. Meeqqanut akilersuutinut tunngasoq Inatsisartut inatsisiliarivaat, taamaattumik akisussaaffiup Namminersorlutik Oqartussat ataaniikkuni pissusissamisoornerunngila?
  3. Qaqugu suleqatigiissitap sulinini aallartinniarpaa?
    1. Qaqugu allannguutissatut siunnersuutit saqqummiunneqassappat?
  4. Meeqqanut akilersuutinut akisussaaffiup kommuuninut inissinneqarsimanera kommuunit qanoq isumaqarfigineraat Naalakkersuisut apeqqutiginikuuvaat?
    1. Qanga kingullermik apeqqutigivaat?

Tunngavilersuut:

Siusinnerusukkut apeqqutigisannut akissutinni (§37 apeqqut nr. 22/2022) apeqqutiga nr. 4 akinnginnakku apeqqutinik malitseqartitsivunga piumasaralugu akineqarnissaa. Akissutissinni Namminersoorlutik Oqartussat allatigut, soorlu qamutit motorillit akileraarutaasigut aamma annaasaqartarnerat assersuukkakku isumaqarpunga tamanna tulluartuunngitsoq, pissutigalugu Inatsisartut inatsisiliaat pissutigalugu kommuunit aningaasanik taamak amerlatisunik annaasaqarsimanerat kommuunit kisimiillutik pisuussutiginngimmassuk.

Apeqqutikka annerusumik tunngavilersunngikkaluarlugit kissaatigaara apeqqutima ullut suliffiit 10-it qaangiutsinnagit akineqarnissaat.