Ilanngussat pisoqaaneritIsumaSaqqaa

Aasianni fabrikkimut tunngatillugu Naalakkersuisoq akisussaaffimmik tigusisariaqarpoq

Siumut 92 Views
Lars Poulsen

All.: Lars Poulsen

Siumup isumaqarpoq Naalakkersuisoq erseqqissumik nalunaaruteqartariaqalersoq Aasianni fabrikkimut tunngatillugu. Siumummi isumaqarpoq maannakkut inissisimaneq isiginngitsuusaaginnarneqarsinnaanngitsoq, taamaattumik Inatsisartut inatsisip atuutilersinneqarnerani Naalakkersuisunut piumasaqaatigisaat suliarineqarnersoq piaarnerpaamik paasissallugu qulakkeerneqartariaqalertoq.

Siumup politikkikkut sulinermini Aasianni fabrikkimi pillugu suliniutinik ataatsimiisitaliatigoorlugu ingerlataqareerpoq. Taakkuli maannamut Naalakersuinikkut siuttunngortuniit akisussaaffigiumaneqannginnerat aaqqiissutissanillu ujartuiffimmik iliuuseqarfiginiarneqannginnerat ilungersunartutut isumaqarfigivaat. Aasiannimi fabrikki inuppassuarnut, suliffissaqartitsinermut aammalu kommuunimut aningaasaqarnermut pingaarutilimmik inissisimavoq. Taamaattumik sulisut nalorninermut pisinneqaleraluttuinnarnerat aaqqiivigineqartariaqarpoq, siunissamullu qulakkeerinninnissamut pisinneqarnissaat pisariaqarpoq. Siumup erseqqissaatigissavaa inuussutissarsiornermut atugassarititaasut aalajaatsut qulakkeerneqarnissaat Naalakkersuisut aamma akisussaaffigimmassuk.

Tamatumap peqatigisaanik Siumup aalisarnermut inatsimmi aalajangersagaq innersuussutigaa, tassani saqqummiunneqareermat Naalakkersuisoq pisussaaffeqartoq iliuuseqarnissamut, fabrikki ulorianartorsiortumi inissisimalissappat. Taamaattumik partii isumaqarpoq pineqartoq politikkikkut salliutitsinermiinnaq pineqanngitsoq, aammali inatsisitigut akisussaaffik Naalakkersuisup malittariaqagaa.

“Siumut isumaqarpoq fabrikip siunissaa pillugu ersarissumik pilersaaruteqartoqartariaqartoq. Akuersaarsinnaanngilarput nalorninermik ingerlaannartoqarnera, suliffiit aammalu najugaqarfinni periarfissat aarlerinartorsiortut,” Lars Poulsen Siumumeersoq oqarpoq.

Naalakkersuisup iliuusissani nalornissutigippagit Siumut piareersimavoq aaqqiissutissanik saqqummiussissalluni – Siumut ersarissumik aalisarnermut politikkeqarmat aammalu inuiaqatigiit pisuussutaat tamakkiisumik 100%-imik kalaallinit pigineqarnissaat illersortuassammagu.