Tasiilami juullimut nioqqutissat naammassanngitsut

Tasiilami maanna umiarsuaqaqqittoqarnissaanik pisariaqartitsinermut isumaqataasut 300-400 amerlassusillit atsiornernik katersisoqarnerani atsioqataasimapput. Juullertinnagu nioqqutissat nungorareersimanissaat innuttaasunit aarleqqutigineqarpoq, Royal Arctic Linemiillu nalunaarutigineqarpoq umiarsuassaqannginneq peqqutaalluni aappaagu maajimi aatsaat tasiilaq tikinneqaqqikkumaartoq ilisimatitsissutigineqarlunilu ukiup tullianut angalanissamut pilersaarutit asserluinnaanik aamma pilersaarusiorfigineqartut.

Tasiilami sikorsuit decemberimi aatsaat takkunnissaat tunngavigalugu ataaseria umiarsuaqaqqittoqarnissaa piffissaqarluarpoq. Royal Arctic Line inuiaqatigiit ingerlatseqatigiiffiat kisermaassisussaatitaasoq pisussaaffeqartorlugu sinerissami piffinnut atuisunullu pisariaqartitsineq malillugu naapertuuttumik kiffartuussisussaatitaavoq, taamaattumillu atuisut pisariaqartitsinerat avaqqullugu angalanissamik pilersaarusiorsimaneq aappaagumullu pilersaarusiorneq ataqatigiinngitsutut isigivarput.

Tamanna tunngavigalugu Naalakkersuisunut kaammattuutigissavarput Royal Arctic Line suleqatigalugu umiarsualiisoqaqqinnissaa sulissutigineqassasoq, aappaagumullu pilersaarutaasut sinerissami pisussaaffiusumut naapertuunnerusumik pilersaarusiorneqassasut.

Lars Poulsen, Siumut