Siumut Nuuk ileqquusumik ataatsimeersuarpoq maajip 30-ani Pilutami.
Ataatsimeersuarneq akunnernik sisamanik sivisussuseqartoq ilaasortanit ornigarluarneqarpoq. Pisarneq naapertorlugu unnuk qinersinermik naggaserneqarpoq. Siulittaasoq, siuttaasup tullia aamma aningaasarisoq tamarmik unammillerteqaratik ersaartaannikkut qinerneqarput.
Siulersuisunut ilaasortaasussat qinersinikkut inissitsiterneqarput, ukulu ukiumi tulliuttumi Siumut Nuummut siulersuisussatut inissinneqarput:
Siulittaasoq: Jørgen Wæver Johansen
Siulittaasup tullia: Martha Lund Olsen
Aningaaserisoq: Ejnar Lundblad
Siulersuisunut ilaasortat:
Petrine Lundblad
Peter Davidsen
Kuulumaat Fleischer
Hans Peter Poulsen
Sinniissussat:
Apunnguaq Schmidt
Per Rosing Petersen
Inuk Johansen
Kukkunersiuisoq:
Birte Nielsen
Siumut Nuuk suleqqinnissaminnut qilanaartoq siulittaasunngortoq oqarpoq, aamma peqatigiinneq, anguniagaqaqatigiinneq, suleqateqarluarneq tutsuiginassuseqarnerlu anersaaralugit ingerlaqqittoqassasoq Jørgen Wæver Johansenip naqissuserpaa.
Peqataasut qinigaasullu tamaasa pilluaqquagut sulinerminnilu iluatsitsilluarnissaanik kissaallugit. Siulersuisunut ilaasortaasimasut sulilluarsimanerannuttaaq qutsavigaagut.