Piffissanngorpoq kommunerujussuit eqqartoqqissallugit. Ilumut kommunerujussuit ingerlatiinnarneqassappat, uffa massa takusinnaallutigu kommunerujussuarni illoqarfiit inuttunerusut annertunerusumik kommunerujussuaqarneq iluaqutiginerugaat.
All.: Elisabeth Nielsen, Avannaata Kommuniani kommunalbestyrelsimut ilaasortaq, Siumut
Kommunerujussuaqarnermi inuttaasunut qanimut sullissineq pitsaanerulerpa? Kommunerujussuaqarnermi inuttaasunut sullissineq sukkanerulerpa? Kommunerujussuaqarnermi kommunimi tassani illoqarfiit naligiinnerusumik siuarsarneqarpat? Kommunerujussuarni Borgmesterit innuttaasunut qaninnerulerpat?
Ajoraluartumik apeqqusikkakka tamarmik naamimik aallartittumik akissuserneqaqqaarlutik oqaasertalerneqarsinnaapput.
Kommunit tallimaannanngortinneranut siunertaq maannamut anguneqanngilaq. Kommunimi ilaasortaasugut aningaasaliissutinik nuttoruuttuusisarpugut. Suminngaanneerfivut annerusumik ilisimaarivavut najoratsigit, qinigaaffitta ilaat tikissimanngilavulluunniit annerusumillu sumiiffiit taakkua ilisimaarinagit.
Massakkut Najukkami Ataatsimiititaliat aamma Nunaqarfinni Aqutsisut aqqutigalugit suut pisariaqartinneqarluinnartut sumiiffimmi tassani paasineqarsinnaagaluartut, nammineq isinik takullugit aamma pisariaqartinneqarluinnartut allat takuneqarsinnaasarput, soorlu tamanna misigigipput Ilulissat eqqaani Tamat Oqartussaaqataanerannut Nunaqarfinnullu Ineriartortitsinermi ataatsimiititaliami angalagatta.
Kommuninut ataasiakkaanut kommunerujussuit utertinneqarniarlik.