Inatsisartunut ilaasortaq Erik Jensen, Siumut
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut:
- Naalakkersuisut isumaqatiginerlugu Nuup sinerissamilu illoqarfiit sinnerini naligiinnginneq annertusiartuinnartoq annertuallaalersoq?
- Kommunit akornganni naligiinnginnerup annertusiartuinnarnera Naalakkersuisut qanoq iliuuseqarfiginiarpaat?
- Kommunit akornganni naligiinnginnerup millisarnissaa anguniarlugu kommunini allani ineriartortitsinissanik sunik Naalakkersuisut pilersaaruteqarpat?
Tunngavilersuut:
Naalakkersuisooqatigiinnissamik isumaqatigiissutissinni anguniarparsi nunatsinni naligiinnginnerup annertusiartuinnartoq qanoq iliuuseqarfiginissaa. Tamanillu takuneqarsinnaasutut Nuuk Nuullu avataaniittut illoqarfiit akornganni naligiinnginneq suli sukkasoorujussuarmik annertusiartorpoq, ineriartornerlu taamatut ingerlaannarpat kommuninut sinnerinut tamanna ernumanartutut isumaqarfigivara. Taamaattumik paaserusunnarpoq kommunini allani ineriartorneq pilerseqqinniarlugu Naalakkersuisut qanoq pilersaaruteqarnersut. Tamannami aamma 2022-imut Aningaasanut inatsisissatut siunnersuummi ersinngimmat.
Maluginiaqqussavara apeqqutinni akileraaratarnikkut aaqqissuusseqqinniarneq uani eqqarsaatigalugu apeqqusiunnginnama.
Kissaatigaara apeqquteqaatikka ullut suliffiusut qulit qaangiutinnagit akineqassasut.