Inatsisartunut ilaasortaq Jess Svane, Siumut
Inatsisartut suleriaasianni § 37, imm. 1 naapertorlugu matumuuna Naalakkersuisunut imaattumik apeqquteqassaanga:
Naalakkersuisunut apeqqutit:
- Ukioq kingulleq sila teknikkikkulluunniit ajutoornerit pissutigalugit ilaasunik aallanngittoortunik Air Greenlandi qasseriarluni Hotel Arctikkimi unnuisitsisariaqarsimava?
- Ilaasut qassit tassani pineqarpat?
- Qulaani eqqaaneqartuni kinguaattoortoqarnerani qanoq akulikitsigisumik Air Greenland Ilulissani hotelinik allanik atuisarpa?
Tunngavilersuutit:
Coronap atugarliortitsinera unnuisafiutilippassuarnut atuuppoq. Pisortallu tapiissutaat pinngittoorneqarsinnaanatik. Pisortat pigisaat aningaasartuutaallu siammasissumik atorneqartariaqarnerat pinngittoorneqarsinnaanani, suliffeqarfissuillu kisimik iluanaartinneqaratik.
Ullut qulit suliffiusut iluanni akineqarnissara kissaatigaara.