Mala Høy Kuko
Inatsisartut suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:
(Naalakkersuisut akissutaannut apeqqummut §37 nr. 2021-083 malitseqartitsilluni apeqquteqaqqinneq).
Naalakkersuisunut apeqquteqaatit:
- Naalakkersuisut puisit amianik tunitsiviit ukioq 2021-imi 33-niit 38-nut amerliniarisi apeqqummi nr. 2021-083-imi akissutigaarsi, taamaammat nunaqarfinni illoqarfinniluunniit sorlerni amernik tunitsivissat nutaat tallimat pilersaarutaappat?
- Nunatsinni saniatigooralugu pinialuttartunut puisip amiinik tunisisinnaanngortitsinissamik Naalakkersuisut pilersaaruteqarpat?
(Inatsisartunut ilaasortaq Mala Høy Kúko, Siumut)
Tunngavilersuut:
Nunatsinni kulturitsinni qangaaniilli puisip amia kikkunni tamani pingaartinneqartuaannartuuvoq.
Puisip amia saniatigooralugu pinialuttartunut atorluarneqarsinnaagaluaqisoq tunisisinnaannginneq peqqutaalluni puisip amiinik asiutitsisoortarneq ikigisassaanngitsoq oqaatigineqartarpoq. Nunattalu puisip amianik tunisassiorfimmi amminik amigaateqartuarneq ukiuni kingullerni tusarsaagaluattuinnartoq qaangiimineqarsinnaassagaluarpoq saniatigooralugu pinialuttartut tunisisinnaalissagaluarpata.
Ullut suliffiusut qulit ingerlaneranni akineqarnissara kissaatigaara.