Jess Svane Siumut ullumi inatsisartut suleriaasiat naapertorlugu §37 imm. 1 apeqquteqarpoq Qasigiannguit avataanni kilisaat ikuallannermi kingorna kivisup qaqugu qaqinneqarnissaa apeqqutigalugu. Taamalu aperinerminut ima oqaaseqarpoq:
”Imartarput pisuussutigaarput, taamaattumillu mingutsinnaveersaarluinnartariaqarparput. Taamaattumik kilisaat piaartumik imartatsinnit qaqinneqartariaqartoq Siumumiit isumaqarpugut. Pissusissamisoortutullu isigaarput naalakkersuisut piaartumik iliuuseqartariaqartut.”
 Jess Svanep aappattut apeqqutigaa innuttaasut Qasigiannguaniittut oqartussanit tikillugit paasissutissiiviginiarneqarnersut. Apeqqutinilu ima itisilerpaa:
”Innuttaasut kivisup qanittuaniittut toqqissisimanngissuteqarput, ippassarlu nutaarsiassatigut saqqummerpoq biologit innersuussutigigaat kilisaatip kiviffiata nalaani aalisartoqannginnissaa. Taamaattumik pissusissamisoorluinnarpoq innuttaasut Qasigiannguaniittut oqartussanit paasissutissiivigineqarnissaat.”  Taama Jess Svane naggasiivoq.
Jess Svane attaveqarfigineqarsinnaavoq oqarasuaammut 528215
Apeqqut uani aaneqarsinnaavoq: apeqqut
Spørgsmålet kan hentes her: spørgsmål