Aslak W. Jensen, Inatsisartunut ilaasortaq
Inatsisartut suleriaasianni § 37 imm. 1 naappertorlugu Naalakkersuisunut apeqqutit imaattut matumuuna saqqummiuppakka:
Naalakkersuisunut apeqqutit:
- Naalakkersuisut innuttaasunik immikkoortiterilluni ingerlatsineq qanoq isumaqarfigaat?
- Taamaassimassanngippallu suliniutit suut Nalakkersuisut sulissutiginiarpaat?
Tunngavilersuutit:
Taamak aperisariaqarninnik tunngavigaara Nuummiut Aalisartut kisiartaallutik umiarsualivimmi tulaqqanerminni pisaminnillu nunamut tunitsivinnut niusinerminni akiliuteqartinneqartarmata. Sinerissap sinnerani aalisartut allat taamak ajortigisumik atugassaqartinneqanngillat. Tamannalu innuttaasunik immikkoortitsineruvoq.
Naalakkersuisut innuttaminnut immikkoortitserineq tapersersorneraat paaserusunnarpoq.
Inuiaqatigiinni Aalisartortagut nunatsinniittut tamarmik tulaqqanerminut, imaluunniit pisaminnik nunamut niooraanerminni naligiimmik atugassaqartinneqarnissaannut. Sumiluunniit najugaqaraluarunik eqqaamaneqassaaq nunatsinni aalisakkat akii ukiuni makkunnani appaseqqammata taamaasillunilu aalisartortagut assut ilungersorput akiligassaminnut angummanniarlutik.
Apeqqutit akineqarnissaat ullut suliffiusut qulit iluini kissaatigaara.