Tasiilami erngup nukinganik nukissiorfiup pilersissinnaasaa pillugu apeqquteqaat

Lars Poulsen, Inatsisartunut ilaasortaq

Inatsisartut suleriaasianni  §  37 imm. 1 naapertorlugu Naalakkersuisunut apeqqutit imaattut matumuuna saqqummiuppakka:

Naalakkersuisunut apeqqutit:

  1. Tasiilami erngup nukinganik nukissiorfiup inuttussutsimut pilersuinera inoqassutsimut naleqquppa naammappa?
  2. Illoqarfimmi Tasiilami suliffinnik annerusumik pilersitsisoqassappat erngup nukinga allileqqaanngikkaluarlugu nammappa pilersuissalluni? 
  3. Allilerneqassappat qanoq naleqassava? 

Tunngavilersuut:

Suliffissanik suliffissuarmilluunniit pilersitsisoqarusulluni pilersaarusiortarsimanerup takutippaa erngup nukinga pilersuinissaminut annikippallaarsimasoq. Illoqarfimmilu inerisaasoqassappat siullertut inerisartariaqarpoq erngup nukingata annertusinissaa allilernissaa.

Suliffiusut ullut qulit iluanni akissutisinissara kissaatigaara.