Karl Tobiassen, Inatsisartunut ilaasortaq
Inatsisartut suleriaasianni § 37 imm. 1 naappertorlugu Naalakkersuisunut apeqqutit imaattut matumuuna saqqummiuppakka:
Naalakkersuisunut apeqqutit:
- Naalakkersuisut Aqutsiveqarfik Uummannamut angallatinut (kvotillit) sooq qaleralinnik pisasseeqqinngillat?
- Aqutsiveqarfik Upernavimmut Qaleralinnik 900 tonsinik pisasseereerlutik sooq Aqutsiveqarfiit 47-miittut sinneri immikkoortillugit pineqarpat?
- Immikkoortitsilluni pinninneq sunik toqqammaveqarpa?
- Ukiuni tulliuttuni Aqutsiveqarfiit 47-miittunut qaleralinnik pisassiisarnissanut Naalakkersuisut qanoq periuseqarniarpat?
- Naatsorsuutigissuarput TAC nungussimatillugu aalisartunik assigiinngisitsineq periuserineqartassanersoq?
Tunngavilersuutit:
Toqqammavilersuut:Aqutsiveqarfik Upernavimmut immikkut 900 tonsinik TAC qaavatingut ilasereerluni sooq Aqutsiveqarfiit 47-miittut allaanerusumik pineqarnersut Naalakkersuisut nassuiartariaqarpaat.
Ullut suliffiusut qulit iluini apeqqutit akineqarnissaat piumasaraara.