Siumup politikkia

  1. Pilersikkumallugit inuiaqatigiit ataqatigiissut, eqeersimaartut napassinnaalluartullu,inuiaqatigiittut akisussaaqataanertik qamuuna misigisimalluarlugu ilumoorfigalugulu innuttaaqataasut.
  2. Pilersikkumallugit inuiaqatigiit nunamik tunniussinnaasai akisussaassuseqartumik atorluarlugit avataaniillu pisut pisariaqakkatik iluaqutigalugit imminnut napatissinnaalerlutillu aqussinnaalersimasut.
  3. Pilersikkumalugit Nunatsinni inuiaqatigiit kikkunnut tamanut pitsaasumik atugassa-qartitsisut naligiimmillu periarfissaqartitsisut.
  4. Pilersikkumallugit Nunatsinni inuiaqatigiit naligiissitaaffiusut sumi inunngorsimaneq,arnaaneq angutaanerluunniit kiisalu sumilluunniit upperisaqarneq apeqqutaatinnagit.
  5. Nunatsinni avatangiisit isumalluutillu uumassusillit nungutsaaliuinikkut paarilluarneqarnissaat.
  6. Nunatsinni inuiaqatigiit akisussaassusermik, eqeersimaarnermik peqqikkusussutsimillu pingaartitsillutik kiffaanngissuseqarlutillu ineriartornissaminnut pitsaasumik periarfissaqarnissaat.
  7. Pilersikkumallugit Nunatsinni inuiaqatigiit nunarsuarmioqataasutut unammillersinnaasumik ilinniartitseriaaseqartut.
  8. Pilersikkumallugit Nunatsinni inuiaqatigiit aningaasaqarnikkut politikikkullu nammineersut.
  9. Kalaallit Nunaata aqunneqarnerani ammasumik inuillu oqartussaaqataanerat pingaartillugu ingerlatsineq nukittorsassallugu.
  10. Kalaallit Nunaanni Inuit pisinnaatitaaffii nunarsuarmioqatigiinnut tamanut atuuttutillersussallugit.

Siumup anguniagai 2014-2017